Category
Punjabi Poetry
آپنے نال مَیں لا لیا متھّا
وقت نے ماریا آن اولتھّا
اوہ تقدیر نے پھینٹی لائی
حالی تک میرا ڈر نئیں لتھّا
(نثاراحمد)
😂😂
aty hi maya ap ne ye karna shuru kardia mujhe dekh kar
سر تے بھار اناواں دا
اوکھا پندھ وفاواں دا
سود سمیت لوٹاواں گے
قرضہ اجڑیاں ساہواں دا
بِن موسم دے اُگیاں تے
چڑھدائے رنگ خزاواں دا
سَتھّر بَنھ کے رکھیں توں
کیہ اعتبار ہواواں دا
اِکّو داغ اے دامن تے
جرموں وَدھ سزاواں دا
نہراں پچھے لَگے نیں
فِٹّے مونہ دریاواں دا
سارے وَکھرے وَکھرے کرکے ٹَنگ دِتّے
عشق نُوں لگے جیہڑے چَنگے، سُولی تے
۔۔۔۔۔
ﺳُﻦ ﺍﻭ ﻏﺎﻓﻞ ! ﺟﮭﻠﯿﺎ ﺑﻨﺪﯾﺎ !
ﮐﯿﻮﮞ ﺍَﮐﮭﯿﺎﮞ ﻭِﭺ ﭘﺎﻧﯽ ﺍﮮ؟
ﮐِﺴﮯ ﺳﺪﺍ ﻧﺌﯽ ﺯﻧﺪﮦ ﺭﮨﻨﺎ
ﮨﺮ ﺷﮯ ﺁﻧﯽ ﺟﺎﻧﯽ ﺍﮮ
ﺟﻨﺪﮌﯼ ﺟﻨﺞ ﻭﯼ ﮨﻮﻭﮮ ﺟﮭﻠﯿﺎ !
ﻓِﺮ ﻭﯼ ﮐﭧ ﮨﯽ ﺟﺎﻧﯽ ﺍﮮ
ﻣﺎﯾﻮﺳﯽ ﻧﺌﯽ ﭼﻨﮕﯽ ﮨﻨﺪﯼ
ﺍﮮ ﺩُﻧﯿﺎﺗﮯ ﻓﺎﻧﯽ ﺍﮮ
ﺭﺏّ ﺩِﯼ ﺳُﻦ ! ﺍﻭ ﮐﯽ ﮐﮩﻨﺪﺍ ﺍﮮ !
" ﻣﺸﮑﻞ ﻧﺎﻝ ﺍﺳﺎﻧﯽ ﺍﮮ "
مصرع دَکھ تے رہن دے
باقی اکھ تے رہن دے
مندری کوکا ویچ لے
گل دی رَکھ تے رہن دے
قسمت ساڑن والیا
میرا ککھ تے رہن دے
ہجرا گولی جوگیا
وکھو وَکھ تے رہن دے
آ چَل ماہی میرے سامنے آ کے بَہہ
تیرا رَج رَج کے دیدار کراں
پا اَکھیاں تیریاں اَکھیاں وِچ
ہر جنمِ دا اِظہار کراں
تُوں حُکم کریں ، میں جی آکھاں
تیری ہر گَل دا اعتبار کراں
تیرے لَیکھ دا نیک ستارا بَناں
تینوں ساری زندگی میں پیار کراں
اِک سجّن ہوندا سی
زہراں وِچ پتاسّے ورگا
سُرمے سکّ دنداسّے ورگا
دُکھاں وِچ دلاسے ورگا
سجّرے چنّ دے ہاسّے ورگا
اِک سجّن ہوندا سی
الھڑّ شوخ ہواواں ورگّا
دُھپاں دے وِچ چھاواں ورگا
اوکھے ویلّے بانہواں ورگا
اٹھے پہر دعاواں ورگا
اِک سجن ھوندا سی
پھگن چیت بہاراں ورگا
انب تے سیب اناراں ورگا
صاحب تے سرکاراں ورگا
ھفتے تے اتواراں ورگا.
