جب ہم چھوٹے تھے تو جب کبھی بارشیں نہیں ہوتیں تھیں یا گرمی بہت شدت اختیار کر لیتی تھی۔ ایسے میں محلے کے کچھ لوگ چھتوں پر چڑھ جاتے اور نیچے گزرنے والے راہگیروں پر پانی ڈال دیتے۔کیونکہ لوگوں کا اس بات یقین تھا کہ اگر چھت سے کسی پر پانی ڈالا جائے تو اسی دن بارش ہو جاتی ہے۔
یہ بھی کہا جاتا تھا کہ جس پر پانی گرے اور وہ غصہ کرے تو بارش اور جلدی آ جاتی ہے۔ آج یہ بات ذہن میں آئی تو میں سوچنے لگی اب شاید کوئی اس بات کا تصور بھی نہ کر سکے۔ وہ وقت ہی کچھ اور تھا، جب لوگوں میں برداشت بھی تھی اور اس طرح کی معصوم شرارتوں کو ہنس کر برداشت کر لیا جاتا تھا۔
کیا آپ نے بھی کبھی ایسا منظر دیکھا یا سنا ہے؟