بنَین لَین جاندے او
بنَین لَے کے آندے او
پاندے او تے پَیندی نئیں
پے جائے تے لہندی نئیں
لہہ جائے تے دُوجی واری پان جوگی رہندی نئیں

بنَین مَیں دیاں گا
پاؤ گے تے پَے جائے
لاہو گے تے لہہ جائے
لہہ جائے تے دُوجی واری پان جوگی رہ جائے

بنین میری وَدھیا
بنین میری ٹاپ دی
وَڈِّیاں نُوں پُوری آوے نِکّیاں دے ناپ دی

چیز ہووے اصلی تے مونہوں پئی بولدی
دُھپّ نالوں گوری لگے رسّی اُتے ڈولدی
جِنّے ورہے چاہو تُسی ایس نوں ہَنڈا لئو
فیر بھانویں بچَّیاں دا جانگیا بنا لَئو

انور مسعود