💖💖وہ مجھے عیسی لگا💖💖

زندگی کے کھیل میں ہر شخص ہی الجھا لگا
درد میرا بھی مجھے یہ دیکھ کر اپنا لگا

خوبصورت کون ہے اس کی کیا تعریف ہے ؟
خوبصورت ہے وہی جو آنکھ کو اچھا لگا

جھوٹ تھا سب جھوٹ تھا لیکن مرے دل کو سدا
ایک ہی تو شخص تھا جو ہر گھڑی سچا لگا

وہ گیا تھا ایک دن کی بس اجازت مانگ کر
ایک ہی دن تھا مگر وہ کس قدر لمبا لگا

دو ہی چیزیں دیکھ کر اس کو مجھے اچھی لگیں
ایک تھا تِل گال کا تو دوسرا ، بُندا لگا

اک نظر پڑنے سے ہی مجھ کو شفا ہونے لگی
میں مریضِ عشق تھا اور وہ مجھے عیسٰی لگا