مسجد نبوی میں صف کی بائیں سائیڈ افضل ۔۔ کیوں؟

علماء فرماتے ہیں: کہ دوسری مسجدوں میں صف کا داہنا حصہ بائیں سے افضل ،مگر مسجد نبوی میں بایاں حصہ داہنے سے افضل؛ کیونکہ وہ روضۂ مطہرہ سے قریب ہے۔روضۂ مطہرہ دل ہے اور دل بائیں طرف ہے جس پر زندگی کا دارومدار ہے ۔صوفیائےکرام کے اقوال بے دلیل نہیں ہوتےکیونکہ جب نیکیاں لکھنے والے فرشتے کی وجہ سے داہنا حصہ بائیں سے افضل ہوا تو وہاں قرب مصطفوی کی وجہ سے بائیں سمت افضل ہوگی۔چنانچہ سرکار فرماتے ہیں کہ نماز میں داہنی جانب نہ تھوکو نہ جوتا رکھو کیونکہ ادھر رحمت کا فرشتہ ہے۔