تیرے نام کی آخری گفتگو
لکھتے لکھتے میں ایک بار پھر وہی زندگی جی آیا، جسے حقیقت میں جینے کی خواہش عمر بھر دل میں رہی۔ عجیب بات ہے کہ قلم نے وہ سب لکھ دیا جو وقت کبھی مجھے دے نہ سکا۔ میں نے اپنے لفظوں میں وہ ملاقاتیں کیں جو کبھی ہوئیں ہی نہیں، وہ سوال پوچھے جن کا موقع نہ ملا، اور وہ جواب بھی سن لیے جن کی اس برسوں سے تھی
شاید اس لیے کہتے ہیں کہ لکھنے والا صرف کہانیاں نہیں لکھتا، وہ اپنے اندر دفن رہ جانے والی زندگیاں بھی جیتا ہے۔ کچھ خواب حقیقت میں پورے نہیں ہوتے، مگر کاغذ پر وہ سانس لینے لگتے ہیں اور کبھی کبھی انسان اپنی ہی لکھی ہوئی کہانی پڑھ کر محسوس کرتا ہے کہ کاش زندگی بھی لفظوں جیسی مہربان ہوتی۔

تمثیل چوھدری