غصے میں جو نکھرا ہے، اس حسن کا کیا کہنا
کچھ دیر ابھی ہم سے تم یوں ہی خفا ﺭہنا

اس حسن کے شعلے کی تصویر بنا لیں ہم
ان گرم نگاہوں کو سینے سے لگا لیں ہم
پل بھر اسی عالم میں اے جان ادا ﺭہنا

یہ دہکا ہوا چہرہ، یہ بکھری ہوئی زلفیں
یہ بڑھتی ہوئی دھڑکن، یہ چڑھتی ہوئی سانسیں
سامان قضا ہو تم، سامان قضا ﺭہنا

پہلے بھی حسیں تھیں تم لیکن یہ حقیقت ہے
وہ حسن مصیبت تھا، یہ حسن قیامت ہے
اوروں سے تو بڑھ کر ہو، خود سے بھی سوا ﺭہنا