پرکیف غزل کا مزہ لیجیے ۔۔۔ ‼️
تازہ غزل دیکھیے ۔۔۔

وہ اک التفاتِ نظر، توبہ توبہ
ہوا دل پہ کیسا اثر، توبہ توبہ

وہ اندازِ چشمِ سحر، توبہ توبہ
وہ خم ہائے زلفِ دگر، توبہ توبہ

وہ رخسار پر روشنی کا تبسم
وہ گیسو ادھر سے ادھر، توبہ توبہ

لبِ نیم وا کی وہ رنگیں شرارت
وہ خاموش لطفِ نظر، توبہ توبہ

لبوں پر سکوت اور آنکھوں میں محشر
وہ اندازِ خوف و خطر، توبہ توبہ

اُدھر اک تبسم نے بجلی گرائی
ادھر چھلنی چھلنی جگر، توبہ توبہ

پڑی جب بدن پر نگاہِ تمنا
لگی آگ دل میں مگر، توبہ توبہ

جھکا کس ادا سے وہ سروِ قیامت
لچکنے لگی تھی کمر، توبہ توبہ

لبوں تک نہ آیا، مگر کہہ گیا سب
سکوتِ لبِ مختصر، توبہ توبہ

وہ خوشبو کہ پہنائے معنی ہوا کو
وہ گل، وہ صبا، وہ شجر، توبہ توبہ

کسی وہم نے اوڑھ لی تھی حقیقت
عجب صورتِ دیدہ ور، توبہ توبہ

نگاہوں نے جب ضبط کی حد کو توڑا
ہوا اشک بھی نیشتر، توبہ توبہ

نہ ساحل، نہ دریا، نہ موجوں کا عالم
فقط تشنگی بحر و بر، توبہ توبہ

نہ منزل، نہ رہبر، نہ نقشِ قدم تھا
مگر چل پڑی راہ گزر، توبہ توبہ

نظر سے نظر جب ملائی ہے تمثیل
ہوا عشق پھر ٹوٹ کر، توبہ توبہ