جانے وہ کب کہاں اٹھے آواز دے مجھے
پروردگار قوتِ پرواز دے مجھے

میں جانتا ہوں ہار کے لوٹا ہوں تیری سمت
لیکن تُو ایک آخری آغاز دے مجھے

جتنا تمھارے ہجر میں گریہ کناں ہوں میں
رونے کا کوئ عالمی اعزاز دے مجھے

تیرے لیے میں خون کی ندیاں بہاؤں گا
تُو دشمنوں کی قید سے آواز دے مجھے

میں کب یہاں سے بھاگا ہوں میدان چھوڑ کر
تُو میرے مرتبے کا سخن ساز دے مجھے

تم جس کو کہہ رہی ہو مرا سچا پیار ہے
کیا ہو جو وہ ہی آ کے ترے راز دے مجھے