یہ حدیں نہ توڑ دینا، میرے دائرے میں رہنا
مجھےاپنےدل میں رکھنا،میرےحافظے میں رہنا

میرا بوجھ خود اٹھانا، میرا کرب آپ سہنا
میرے زخم بانٹ لینا، میرے رَتجگے میں رہنا

میرے منظروں میں بسنا، میری گُفتگومیں ہونا
میرے لَمس میں سمانا، میرے ذائقے میں رہنا

کبھی منزلوں کی صورت میری دسترس س باہر
کبھی سنگِ میل بن کر، میرے راستے میں رہنا

میرے ہاتھ کی لکیریں ،ترا نام بن کے چمکیں
میری خواہشوں کی خوشبو، میرےزائچے میں رہنا