← Back
🚜 PUNJABI POETRY
2w ago
● Active now
*ماں*
*سجنا بڑے افسوس دی گل اے*
لکھاں لاڈ لڈاے تیرے
متھے ٹکے لاۓ تیرے
ہتھی کنگن پاۓ تیرے
رات دن تینو ماری چل اے
*سجنا بڑے افسوس دی گل اے*
منتاں منگ منگ منگیا تینو
اپنے رنگ وچ رنگیا تینو
سارے آکھن چنگیاں تینو
فر وی تیرے گل وچ ٹل اے
*سجنا بڑے افسوس دی گل اے*
خیراں نال جوانی چڑھیا
جوانی نال طوفانی چڑھیا
ہو کے تو لاثانی چڑھیا
ماں بیٹھی تیرا بوہا مل اے
*سجنا بڑے افسوس دی گل اے*
ماں دے ہنجو ہاڑے مکے
ڈھیر آوازے مارے مکے
سکھ سارے دے سارے مکے
تیان تیرا خورے کدے ول اے
*سجنا بڑے افسوس دی گل اے*
مگروں رو کے لبنا کج نئی
بچیا کی اے دبنا کج نئی
ایویں نچنا ٹپنا کج نئی
احسان اے کڈیا سارا حل اے
*سجنا بڑے افسوس دی گل اے*