اوہنوں دل دا مرشد منیا میں
او یار نواباں ورگا اے

اوہنوں ویکھ کے دل دے تار چھڑن
او یار رباباں ورگا اے

اوہنوں ویکھ کے مشکل پے جاندی
او یار حساباں ورگا اے

اوہنوں ویکھ کے سب سوال بھُلی
او یار جواباں ورگا اے

اوہنوں ویکھ کے صُرت نہ رہی مینوں
او یار شراباں ورگا اے

اوہنوں ویکھ کے دل مہک پووے
او یار گلاباں ورگا اے

اوہنوں ویکھ اکھاں دا حج ہوندا
او یار ثواباں ورگا اے

اوہنوں پڑھیا گُل دیاں اکھیاں نیں
او یار کتاباں ورگا اے