@tmseel_ch🔥
May 2026 · 2mo ago
بکھرے ہوئے وجود کے ہر دائرے میں آ
اے ربِ ذوالجلال مِرے رابطے میں آ
▪️
کب تک رہے گا دور خلاؤں میں چھپا تُو؟
دِل کی گلی میں آ یا مِرے آئینے میں آ
اے ربِ ذوالجلال مِرے رابطے میں آ
▪️
پتھرا گئیں ہیں دیدۂِ تَر کی یہ پُتلیاں
روشن چراغ بن کے مِرے طاقچے میں آ
اے ربِ ذوالجلال مِرے رابطے میں آ
▪️
بھر دے مِرے سُکوت کو لافانی گیت سے
آواز بن کے رُوح کے اِس میکدے میں آ
اے ربِ ذوالجلال مِرے رابطے میں آ
▪️
بیمارِ ہجر کب سے تری دید کا ہے مست
بن کے شفا کا لمس مِرے عارضے میں آ
اے ربِ ذوالجلال مِرے رابطے میں آ
▪️
طوفاں اُٹھا رہی ہے مِرے ذہن کی یہ موج
ساحل کا روپ دھار کے اِس مَعرکے میں آ
اے ربِ ذوالجلال مِرے رابطے میں آ
▪️
کب تک جِییں گے وہم کے سائے میں اے خدا؟
منزل کا موڑ بن کے مِرے راستے میں آ
اے ربِ ذوالجلال مِرے رابطے میں آ
▪️
مٹی کی یہ قبا تو بس اِک عارضی ہے قید
پرواز بن کے چاکِ قفس زاویے میں آ
اے ربِ ذوالجلال مِرے رابطے میں آ
▪️
جینے کی آرزو تو کبھی کی بکھر گئی
اب موت بن کے دوری کے اِس فاصلے میں آ
اے ربِ ذوالجلال مِرے رابطے میں آ
▪️
خاموش ہو گیا ہے جہاں میں تِرا معین
لاریب بن کے رُوح کے خلوت کدے میں آ
اے ربِ ذوالجلال مِرے رابطے میں آ
▪️
قرآن کریم ہماری زندگی کو کڑوا نہیں کرتا،
بلکہ اس میں نور کی مٹھاس بھر دیتا ہے۔
ہمارے وقت کو ضائع نہیں کرتا،
بلکہ اس کو قیمتی بنا دیتا ہے۔
ہماری سوچ کو بانجھ نہیں کرتا،
بلکہ زرخیز بنا دیتا ہے۔
ہماری صلاحیتوں کو ماند نہیں کرتا،
بلکہ چمکا دیتا ہے۔
ہماری تنہائیوں کو بور نہیں کرتا،
بلکہ انہیں اللہ کی محبت سے حسین بنا دیتا ہے۔
ہمارے فیصلوں پر اثر انداز ہو کر انہیں ختم نہیں کر دیتا،
بلکہ ان کا رخ موڑ دیتا ہے۔
ہماری چاہتوں اور حسرتوں کو دبا نہیں دیتا، بلکہ انہیں اللہ کی چاہت میں merge کر دیتا ہے۔
ہمیں خشک صوفی نہیں بناتا،
بلکہ عارف باللہ اور عارف بالناس بنا دیتا ہے۔
الغرض ہر وہ سوچ جو ہم نے قرآن کے بارے میں بنا رکھی ہے کہ اگر قرآن کے پاس گئے تو کہیں پھنس نہ جائیں، یہ شیطانی وسوسہ ہے۔
قرآن انسان کو ہر قسم کی بیڑیوں ، زنجیروں اور طوقوں سے آزاد کرا دینے والی کتاب ہے۔
اس گلی سے دُور رہ کر کیا مریں ہم کیا جئیں
آہ ایسی موت ایسی زندگی اچھی نہیں
صَــلَّــی اللّٰـهُ تَـعَالٰـی عَـلَـیْـہِ وَاٰلِــہ وَسَــــلَّم
#LoveProphetMuhammadﷺ
قیامت کے دن نبی کریم ﷺ کا قرب
قیامت کے ہولناک دن جہاں ہر انسان نفسی نفسی کے عالم میں ہوگا، وہاں درود شریف پڑھنے والا آپ ﷺ کے سب سے قریب ہوگا۔ رسول اللہ صلی اللہ علیہ وسلم نے فرمایا:
"قیامت کے دن لوگوں میں سے میرے سب سے زیادہ قریب وہ ہوگا جو مجھ پر سب سے زیادہ درود بھیجتا ہو۔"
(484ترمذی)
❀﷽ ❀
ایمان کی تجدید کا ذریعہ
نبی کریم صلی اللہ علیہ وآلہ وسلم نے اپنے صحابہ کرام سے فرمایا کہ اپنے ایمان کی تجدید کرتے رہا کرو۔
صحابہ نے عرض کیا: یا رسول اللہ ﷺ! ہم اپنے ایمان کی تجدید کیسے کریں؟ تو آپ ﷺ نے فرمایا:
"أَكْثِرُوا مِنْ قَوْلِ لَا إِلَهَ إِلَّا اللَّهُ"
کثرت سے کہا کرو
(مسند احمد8712)
✧༺ ﷽ ༻✧
اَلْقَوِیُّ (The All-Strong) سب سے زیادہ طاقتور اور قوت والا۔
اَلْمَتِینُ (The Forceful)
"نہایت مضبوط"، "نہایت مستحکم" یا "وہ ذات جس کی قوت زوال سے پاک ہے"۔
ایک خوبصورت پہلو:
جہاں "القوی" اللہ تعالیٰ کی کمالِ طاقت کو ظاہر کرتا ہے، وہاں "المتین" یہ بتاتا ہے کہ اس طاقت میں کوئی لچک، کمزوری یا سستی کبھی نہیں آ سکتی۔ وہ ہر حال میں اٹل اور قائم رہنے والا ہے۔
ارشاد باری تعالیٰ ہے؛
اِنَّ اللّٰهَ هُوَ الرَّزَّاقُ ذُو الْقُوَّةِ الْمَتِیْنُ
"بیشک اللہ ہی بڑا رزق دینے والا، سخت قوت والا، نہایت مضبوط ہے۔"
📖 (سورۃ الذاریات، 58)
دشمنوں کے شر اور خوف سے نجات
جب انسان ظالموں، حاسدوں یا زندگی کی بڑی آزمائشوں کے سامنے خود کو کمزور محسوس کرے، تو وہ اللہ کی صفت "القوی" کو پکارتا ہے۔ اللہ اپنے بندوں کی مدد فرماتا ہے اور باطل کو مٹا دیتا ہے۔
كَتَبَ اللّٰهُ لَاَغْلِبَنَّ اَنَا وَرُسُلِیْؕ اِنَّ اللّٰهَ قَوِیٌّ عَزِیْزٌ
"اللہ لکھ چکا ہے کہ ضرور میں اور میرے رسول ہی غالب رہیں گے، بیشک اللہ بڑی قوت والا، زبردست ہے۔"
📖 (سورۃ المجادلہ،21)
رسول اللہ ﷺ نے ارشاد فرمایا:
اَلْمُؤْمِنُ الْقَوِيُّ خَيْرٌ وَأَحَبُّ إِلَى اللَّهِ مِنَ الْمُؤْمِنِ الضَّعِيفِ
"مضبوط (قوی) مومن، کمزور مومن کے مقابلے میں اللہ کے نزدیک زیادہ بہتر اور زیادہ پسندیدہ ہے۔"
📖 صحیح مسلم،2664)
جب زندگی کے حالات آپ کو توڑنے لگیں، جب قریبی رشتے اور دنیا کے سہارے کمزور پڑ جائیں، تو مایوس مت ہوں۔ اپنے ہاتھ اٹھائیں اور پکاریں: "یا قویُّ یا متینُ!"
کیونکہ جس کا کارساز اور نگران اتنا مضبوط ہو، اسے دنیا کی کوئی طاقت جھکا نہیں سکتی۔ اپنی فکریں اس ذات کے سپرد کر کے پرسکون ہو جائیں۔
❀﷽ ❀
✨"ٱلْوَكِيلُ" (بہترین کارساز) ✨
اللہ تعالیٰ کا صفاتی نام "ٱلْوَكِيلُ" بندے کے دل کو وہ سکون اور اطمینان دیتا ہے جو کائنات کی کسی اور چیز سے نہیں مل سکتا۔ یہ وہ ذات ہے جس پر پورا بھروسہ کیا جائے تو وہ اپنے بندوں کے تمام بگڑے ہوئے کام سنوار دیتی ہے۔ 💖
🌍 کائنات کا واحد تدبیر کرنے والا
کائنات کی ہر چیز کو پیدا کرنے والا اور اس کے نظام کو چلانے والا صرف اللہ ہی ہے۔
📖 قرآنِ کریم میں ارشاد ہے:
ٱللَّهُ خَٰلِقُ كُلِّ شَىْءٍ ۖ وَهُوَ عَلَىٰ كُلِّ شَىْءٍ وَكِيلٌ
"اللہ ہی ہر چیز کا پیدا کرنے والا ہے، اور وہی ہر چیز پر کارساز (نگران) ہے۔"
(سورۃ الزمر: 62)
⚔️ غزوۂ احد اور ایمان کی طاقت
جب غزوۂ احد کے بعد مسلمانوں کو دشمن کے بڑے لشکر سے ڈرانے کی کوشش کی گئی، تو ان کا ایمان مزید بڑھ گیا اور انہوں نے یہی کلمہ پڑھا:
📖 ارشادِ باری تعالیٰ ہے:
ٱلَّذِينَ قَالَ لَهُمُ ٱلنَّاسُ إِنَّ ٱلنَّاسَ قَدْ جَمَعُوا۟ لَكُمْ فَٱخْشَوْهُمْ فَزَادَهُمْ إِيمَٰنًا وَقَالُوا۟ حَسْبُنَا ٱللَّهُ وَنِعْمَ ٱلْوَكِيلُ
"یہ وہ لوگ ہیں کہ جب ان سے لوگوں نے کہا کہ کافروں نے تمہارے مقابلے کے لیے بڑا لشکر جمع کیا ہے، پس ان سے ڈرو، تو اس بات نے ان کے ایمان کو اور بڑھا دیا اور انہوں نے کہا: ہمیں اللہ ہی کافی ہے اور وہ بہترین کارساز ہے۔"
(سورۃ آل عمران: 173)
🌅 مشرق و مغرب کا مالک
جب کائنات کا مالک وہ ہے، تو پھر کسی اور سے کیا ڈرنا؟
📖 قرآن فرماتا ہے:
رَّبُّ ٱلْمَشْرِقِ وَٱلْمَغْرِبِ لَآ إِلَٰهَ إِلَّا هُوَ فَٱتَّخِذْهُ وَكِيلًا
"وہ مشرق اور مغرب کا مالک ہے، اس کے سوا کوئی معبود نہیں، پس اسی کو اپنا کارساز بنا لو۔"
(سورۃ المزمل: 9)
حضرت عبداللہ بن عباس رضی اللہ عنہما سے روایت ہے کہ:
💬 "کلمہ 'حَسْبُنَا اللَّهُ وَنِعْمَ الْوَكِيلُ' حضرت ابراہیم علیہ السلام نے اس وقت کہا تھا جب انہیں آگ میں ڈالا گیا تھا، اور ہمارے نبی حضرت محمد ﷺ نے اس وقت کہا تھا جب لوگوں نے کہا تھا کہ دشمن نے تمہارے خلاف لشکر جمع کر لیا ہے..."
(صحیح بخاری 4563)
🚪 گھر سے نکلتے وقت کی برکت اور حفاظت کی ضمانت!
رسول اللہ ﷺ نے فرمایا کہ جو شخص گھر سے نکلتے وقت یہ دعا پڑھے:
✨ بِسْمِ اللَّهِ تَوَكَّلْتُ عَلَى اللَّهِ، لَا حَوْلَ وَلَا قُوَّةَ إِلَّا بِاللَّهِ ✨
"اللہ کے نام کے ساتھ، میں نے اللہ پر توکل (بھروسہ) کیا، اور گناہوں سے بچنے اور نیکی کرنے کی طاقت صرف اللہ ہی کی طرف سے ہے۔"
تو غیب سے آواز آتی ہے: "تیری ہدایت، کفایت اور حفاظت کر دی گئی" اور شیطان اس سے دور بھاگ جاتا ہے۔
(سنن ابو داؤد: 5095 / جامع ترمذی: 3426) 🌟
دعا: اللہ پاک ہم سب کو اپنی ذات پر سچا توکل اور بھروسہ کرنے کی توفیق عطا فرمائے اور ہمارے تمام معاملات کا بہترین کارساز بن جائے۔ آمین!
︵‿︵ ﷽ ︵‿︵
✨ اللہ تعالیٰ کا صفاتی نام: "الْوَلِيُّ" ✨
نہایت محبت کرنے والا، سچی سرپرستی کرنے والا، اور حقیقی مددگار۔ ❤️
🌟 قرآنِ کریم کی روشنی میں🌟
اللہ تعالیٰ کا ارشاد ہے💫
﴿أَمِ اتَّخَذُوا مِن دُونِهِ أَوْلِيَاءَ ۖ فَاللَّهُ هُوَ الْوَلِيُّ وَهُوَ يُحْيِي الْمَوْتَىٰ وَهُوَ عَلَىٰ كُلِّ شَيْءٍ قَدِيرٌ﴾
"کیا انہوں نے اللہ کے سوا دوسرے سرپرست (ولی) بنا رکھے ہیں؟ حالانکہ اصل سرپرست (ولی) تو صرف اللہ ہی ہے، اور وہی مردوں کو زندہ کرتا ہے، اور وہ ہر چیز پر پوری قدرت رکھتا ہے۔"
📖 سورۃ الشوریٰ،9
ایک اور مقام پہ ارشاد باری تعالیٰ ہے!!
﴿اللَّهُ وَلِيُّ الَّذِينَ آمَنُوا يُخْرِجُهُم مِّنَ الظُّلُمَاتِ إِلَى النُّورِ﴾✨
"اللہ ایمان والوں کا کارساز (ولی) ہے، وہ انہیں اندھیروں سے نکال کر روشنی کی طرف لے جاتا ہے۔"✨
📖 (سورۃ البقرہ، 257)
﴿وَإِنَّ الظَّالِمِينَ بَعْضُهُمْ أَوْلِيَاءُ بَعْضٍ ۖ وَاللَّهُ وَلِيُّ الْمُتَّقِينَ﴾
"اور بیشک ظالم لوگ ایک دوسرے کے ساتھی (ولی) ہیں، اور اللہ پرہیزگاروں کا کارساز (ولی) ہے۔"
✨ (سورۃ الجاثیہ، 19)
🌷اللہ کے مخلص بندوں کا مقام🌷
نبی کریم ﷺ نے فرمایا:
💬 "اللہ کے کچھ بندے ایسے بھی ہیں کہ اگر وہ اللہ کے بھروسے پر قسم کھا لیں تو اللہ ان کی قسم کو ضرور پورا کر دیتا ہے۔"
📚 (صحیح بخاری،2703
✨ اللہ تعالیٰ ہمیں اپنا مقرب اور سچا دوست بنائے اور ہمیں اپنے نورِ ہدایت سے منور فرمائے۔ آمین!
🌼زندگی کے انمول خزانے 🌼
کچھ چیزیں انسان کے پاس بہت قیمتی ہوتی ہیں، جیسے کہ۔۔۔
🕋 اللہ کا ڈر – جو سیدھا راستہ دکھاتا ہے۔
🤍 اچھی نیت – جو نصیب بدل دیتی ہے۔
👑 ماں باپ – جو دنیا کا سب سے بڑا سایہ ہیں۔
💎 عزتِ نفس – جو انسان کی اصل خودداری ہے۔
🤝 بھروسہ – جو رشتوں کی بنیاد ہے۔
🌸 بہن بھائی – جو ہر مشکل میں ڈھال بنتے ہیں۔
💯 اور مخلص دوست – جو صرف نصیب والوں کو ملتے ہیں۔
بیشک، یہ وہ دولت ہیں جن کا کوئی نعم البدل نہیں! ❤️
دربارِ مصطفیٰ کے جو دربان ہو گئے
وہ لوگ کائنات کے سلطان ہو گئے
جنت کھڑی ہے لینے کو آغوش میں انہیں
جو بھی رسولِ پاک پر قربان ہو گئے
صَــلَّــی اللّٰـهُ تَـعَالٰـی عَـلَـیْـہِ وَاٰلِــہ وَسَــــلَّم
#LoveProphetMuhammadﷺ
یوں کس طرح کٹے گا کڑی دھوپ کا سفر
ســــر پر خیالِ یار کی چادر ہی لے چلیں
زندگی کی کتاب میں سارے راستے منزل پر نہیں پہنچتے
کچھ راستے ہمیں شعور تک بھی پہنچاتے ہیں ۔
میری خود کی ساری وہی رکھی ہوئی پوسٹ
میں نہیں بولتی بھئی ان کی مرضی کرے نہ کرے
کچھ رشتوں سے آپ لڑ کر نہیں بلکہ تھک کر جدا ہوتے ہیں، اور سب سے زیادہ درد تب ہوتا ہے، جب دل ابھی ساتھ چاہتا ہو مگر روح ہار چکی ہو🙂
