@aatankki

Aghaaz sab ka ek

Kahaniyan ye mukhtalif

Azaadiyan ye mukhtalif

Zamana bada mukhtalif

Ham tum se hain mukhtalif

Azaanein suni mukhtalif

Awaazein suni mukhtalif

Mukhtalif

Housla ye cheene kaise aye Kashmir

Sabar rago mein tere, aye Kashmir

Sabar

Kese hain ap log

Assalam o Alaikum

Soorat e haal hai hungami, nishaane hum inke, humara pata nahi

Kese hain ap log

Assalam o Alaikum

Jao jao waqt rehte meri khaamiyon se door
Khuda ne chaha mill jayenge phir se hum zaroor

Ishq tera bann chuka hai teri qaid ka sabab
Goya ghul gaya ho gul mein meetha sa koi zeher

Jiss pe likh diya hai maine falsafa e intezaar
Thartharate qalmon se hi behti ramz ki sharaab

Garz ye hai mujh se doori ikhtiyaar karr
Apne mann k parde parr tu mera ishtehaar padd

Mere haatho'n ki lakeero'n mein hai behti ek nadi
Jiss mein aks toh mera hai parr woh dikhta main nahin

Kabhi nazar mein aati hai siyah si roshany
Phir machalta hai khayal toh pighalti hai ghadi

Ab sharam si lagg rahi hai gham bataane mein mujhe
Samajh na paya main wajah kiya samjhota bhi nahi kabhi

Muskurana, gham chhupana hum se hota hi nahin
Dariya saamne hai parr main roza kholta nahi

Mera ranjj kha raha hai mujh ko shauq se janaab
Chalo koi toh kha raha hai kuch toh ab yahan