کراچی:(آئی ایس پی آر) کے مطابق کراچی میں پاکستان رینجرز (سندھ) کے ایک کیمپ پر مبینہ طور پر بھارتی حمایت یافتہ جماعت الاحرار سے تعلق رکھنے والے دہشت گردوں کا حملہ سیکیورٹی فورسز نے ناکام بنا دیا۔ بیان کے مطابق حملہ آوروں نے مرکزی دروازے پر دھماکا کرکے کیمپ میں داخل ہونے کی کوشش کی، تاہم رینجرز کی بروقت کارروائی کے نتیجے میں تین دہشت گرد ہلاک جبکہ ایک زخمی حملہ آور، جس کی شناخت افغان شہری کے طور پر کی گئی، گرفتار کر لیا گیا۔ فائرنگ کے تبادلے میں تین رینجرز اہلکار شہید اور چار زخمی ہوئے۔ آئی ایس پی آر کا کہنا ہے کہ علاقے میں کلیئرنس آپریشن جاری ہے اور سیکیورٹی فورسز دہشت گردی کے مکمل خاتمے کے لیے کارروائیاں جاری رکھے ہوئے ہیں، جبکہ شہداء کی قربانیوں کو خراجِ عقیدت پیش کرتے ہوئے حملے کے ذمہ دار عناصر کے خلاف بھرپور کارروائی کا عزم بھی ظاہر کیا گیا۔

#DailyQaumiAkhbar #ISPR #Karachi #SindhRangers